របៀបរស់នៅជាគ្រិស្តសាសនិក
គង្វាលដែលធ្វើកិច្ចការផ្សេងៗដើម្បីជាប្រយោជន៍ដល់រាស្ត្ររបស់ព្រះយេហូវ៉ា
មនុស្សជាច្រើនមានទស្សនៈអវិជ្ជមានចំពោះអស់អ្នកដែលមានអំណាច។ យើងអាចយល់អំពីមូលហេតុដែលពួកគេមានទស្សនៈបែបនេះ។ ក្នុងប្រវត្តិសាស្ត្ររបស់មនុស្ស អ្នកមានអំណាចច្រើនតែប្រើអំណាចរបស់ខ្លួនតាមរបៀបដែលមិនត្រឹមត្រូវដើម្បីទទួលប្រយោជន៍ផ្ទាល់ខ្លួន។ (មីកា ៧:៣) យើងពិតជាមានចិត្តដឹងគុណខ្លាំងណាស់ ដែលពួកអ្នកចាស់ទុំក្នុងក្រុមជំនុំបានត្រូវបង្ហាត់បង្រៀនឲ្យប្រើអំណាចរបស់ពួកគាត់ ដើម្បីជាប្រយោជន៍ដល់រាស្ត្ររបស់ព្រះយេហូវ៉ា។—អេធ. ១០:៣; ម៉ាថ. ២០:២៥, ២៦
ខុសពីពួកអ្នកមានអំណាចក្នុងពិភពលោកនេះ ពួកអ្នកចាស់ទុំបម្រើជាអ្នកត្រួតពិនិត្យដោយសារពួកគាត់ស្រឡាញ់ព្រះយេហូវ៉ានិងរាស្ត្ររបស់លោក។ (យ៉ូន. ២១:១៦; ១ពេ. ៥:១-៣) ក្រោមការណែនាំរបស់លោកយេស៊ូ គង្វាលទាំងនេះជួយអ្នកផ្សព្វផ្សាយម្នាក់ៗឲ្យមានអារម្មណ៍ថា ពួកគេជាក្រុមគ្រួសាររបស់ព្រះយេហូវ៉ា និងជួយពួកគេឲ្យនៅជិតស្និទ្ធនឹងលោក។ ពួកគេឆាប់ផ្ដល់ការលើកទឹកចិត្ត ផ្ដល់ជំនួយដល់ចៀមរបស់ព្រះយេហូវ៉ា និងជួយពួកគេពេលមានបញ្ហាបន្ទាន់ខាងសុខភាព ឬពេលមានគ្រោះមហន្តរាយធម្មជាតិកើតឡើង។ បើអ្នកត្រូវការជំនួយ សូមស្វែងរកជំនួយពីពួកអ្នកចាស់ទុំក្នុងក្រុមជំនុំរបស់អ្នក។—យ៉ា. ៥:១៤
សូមទស្សនាវីដេអូ គង្វាលដែលយកចិត្តទុកដាក់ចំពោះហ្វូងចៀម រួចឆ្លើយសំណួរខាងក្រោម៖
-
តើបងម៉ារៀណាបានទទួលជំនួយពីពួកអ្នកចាស់ទុំយ៉ាងដូចម្ដេច?
-
តើបងអ៊ីឡាយអឺសបានទទួលជំនួយពីពួកអ្នកចាស់ទុំយ៉ាងដូចម្ដេច?
-
ក្រោយពីទស្សនាវីដេអូនេះហើយ តើអ្នកមានអារម្មណ៍យ៉ាងណាចំពោះកិច្ចការដែលពួកអ្នកចាស់ទុំបានធ្វើ?
