WENDELU WA UKIDISTÁ
Abhidi a Kalakala Phala o Mbote ya Mundu wa Jihova
Athu avulu ala ni ibanzelu ya yibha yalungu ni ungana mba yalungu ni yó ala ni ungana. Mukonda dyahi twamba kiki? Tunde ukulukulu o athu akalakala ni ungana wâ phala o mbote yâ. (Mik. 7:3) Tusakidila kyavulu mukonda o tufunga twetu mu ilunga, a alonga kulondekesa o ungana wâ phala o mbote ya mundu wa Jihova.—Est 10:3; Mat 20:25, 26.
O tufunga ka difu ni yó ala ni maungana mu ngongo mumu. O tufunga a bhanga o kikalakalu kyâ mukonda azolo Jihova ni mundu wê. (Nz 21:16; 1Ph 5:1-3) Mu kukayela o itendelesu ya Jezú, o abhidi yá akwatekesa o aboki kudivwa kwila ene abhanga mbandu ya mwiji wa abhezi a Jihova ni kwa kwatekesa we kuzukama dingi kwa mwene. Ene ni lusolo lwoso a swinisa ni kukolokotesa o jimbudi ja Jihova, ni kwa kwatekesa mu maka alungu ni kusaka ni kyoso kikumoneka divuwa. Se wabhindamena kikwatekesu, ndé uzwele ni kafunga ka kilunga kyé.—Tiy 5:14.
TALA O VIDYU ABHIDI A LANGA O JIMBUDI, MUKUSULUKA TAMBWIJILA O IBHWIDISU YAKAYELA:
-
Kyebhi Mariana kya katula mbote mu kikwatekesu kya tufunga?
-
Kyebhi Elias kya katula mbote mu kikwatekesu kya tufunga?
-
Kyebhi o musoso yú utena kukukwatekesa kukala ni ibanzelu yambote yalungu ni kikalakalu kibhanga o tufunga?
