ຊີວິດຄລິດສະຕຽນ
ຜູ້ດູແລທີ່ເຮັດວຽກເພື່ອຜົນປະໂຫຍດຂອງປະຊາຊົນຂອງພະເຢໂຫວາ
ຫຼາຍຄົນມັກເບິ່ງຄົນທີ່ມີອຳນາດໃນແງ່ລົບ. ຍ້ອນຜູ້ມີອຳນາດທີ່ເປັນມະນຸດມັກໃຊ້ອຳນາດໃນທາງທີ່ຜິດແລະໃຊ້ເພື່ອຜົນປະໂຫຍດຂອງຕົວເອງ. (ມກ 7:3) ເຮົາຮູ້ສຶກດີໃຈຫຼາຍທີ່ຜູ້ດູແລຖືກຝຶກໃຫ້ໃຊ້ອຳນາດຂອງເຂົາເຈົ້າເພື່ອຜົນປະໂຫຍດຂອງປະຊາຊົນຂອງພະເຢໂຫວາ.—ອສທ 10:3; ມທ 20:25, 26
ບໍ່ຄືກັບພວກຜູ້ມີອຳນາດໃນໂລກ ຜູ້ດູແລໃນປະຊາຄົມພະຍາຍາມທີ່ຈະມີຄຸນສົມບັດເພື່ອເຮັດໜ້າທີ່ໃນປະຂາຄົມຍ້ອນເຂົາເຈົ້າຮັກພະເຢໂຫວາແລະຄົນຂອງເພິ່ນ. (ຢຮ 21:16; 1ປຕ 5:1-3) ຜູ້ດູແລເຮັດຕາມການຊີ້ນຳຂອງພະເຢຊູເພື່ອຊ່ວຍພີ່ນ້ອງແຕ່ລະຄົນໃຫ້ຮູ້ສຶກວ່າເປັນສ່ວນໜຶ່ງຂອງຄອບຄົວຂອງພະເຢໂຫວາແລະຊ່ວຍພີ່ນ້ອງໃຫ້ໃກ້ຊິດກັບເພິ່ນ. ຜູ້ດູແລພ້ອມໃຫ້ຄວາມຊ່ວຍເຫຼືອດ້ານຄວາມເຊື່ອ ພ້ອມຊ່ວຍເຫຼືອເມື່ອມີເລື່ອງສຸກເສີນທາງການແພດ ຫຼືເມື່ອເກີດໄພພິບັດ. ຖ້າເຈົ້າຕ້ອງການຄວາມຊ່ວຍເຫຼືອ ບໍ່ຕ້ອງລັງເລທີ່ຈະເຂົ້າໄປລົມກັບຜູ້ດູແລໃນປະຊາຄົມຂອງເຈົ້າ.—ຢກບ 5:14
ເບິ່ງວິດີໂອຜູ້ບຳລຸງລ້ຽງທີ່ເອົາໃຈໃສ່ຝູງແກະ ແລ້ວຕອບຄຳຖາມຕໍ່ໄປນີ້:
-
ມາເຣຍນາໄດ້ຮັບຄວາມຊ່ວຍເຫຼືອຈາກຜູ້ດູແລແນວໃດແດ່?
-
ເອລຽດສ໌ໄດ້ຮັບຄວາມຊ່ວຍເຫຼືອຈາກຜູ້ດູແລແນວໃດແດ່?
-
ຫຼັງຈາກທີ່ໄດ້ເບິ່ງວິດີໂອນີ້ ເຈົ້າຮູ້ສຶກແນວໃດຕໍ່ວຽກທີ່ຜູ້ດູແລເຮັດ?
