VELEI MAA NƐƐ KOLAI MAA VEAITIƐ TE TA ŊETEAI ƔƐƐ LA
Kuuwu Wũ-Tuoitiɛ Ta Tii Ɣɛ Jehova Na Numaitiɛ Ʋaa Ma
Nu lamaa ta ɣi-gaa-ziɛ ga yowũa e vile wũ-tuo vea va. Kelee te laa ʋaa taale? Nu ɓuse wũ-tuo veaitiɛ te vɛɛ luɓozu ga yowũa ga nɔ te ŋɛni maa zɔlɔwo ɓɔɔvɛ. (Mic 7:3) Tɔ ɓɔɔ ga kuuzu nɛɛ wala de ʋaa ma ga ta kuuwu wũ-tuo veaitiɛ ɣalabo ga te tii vagɔ ɣɛ ga gaa-ɓai e te ya Jehova na numaitiɛ faa ma.—Es 10:3; Maf 20:25, 26.
Kuuwu wũ-tuo veaitiɛ tɛ lɛ wuloni ga velei zuu wũ-tuo veaitiɛ te la. Wõilai e te ya Jehova ʋaa ma e vɛɛ na numaitiɛ va towa ya kɛ te ɣaa-ɓaa te ɣɛ ga wũ-tuo vea. (Jɔ̃ 21:16; 1Pi 5:1-3) Ziizɛ ɣa pele wulozu ga tiɛ ga te ɓɔ te ɣaa yɔwɔ̃itiɛ va te kwɛ̃ɛ ga te vɛɛvɛ Jehova na kaalai va na ɣa ɣɛɛna te mɛlɛ maa wooza Jehova va. Ta ɓɔ te ɣaa yɔwɔ̃itiɛ va tiɛ tɛnɛ fe te ya kaʋile. Ani sale vɛlɛ ʋaa ɣa wulona ɔɔ faa ɓoei ɣa laana te ɣaa yɔwɔ̃itiɛ ma ta ɓɔ te va. Ani e wõini e ɓɔba maa zɔlɔwo, kuuwu wũ-tuo nui ta ɣaa-zaɣa-kɛ ya wuuwui zu.—Jĩi 5:13.
A WƐLƐ ƲILIOGI NII VA KUUWU WŨ-TUO VEIATIƐ TE ƁƐDƐVƐ JEHOVA NA NUMAITIƐ MA, NA ƔA ƔƐƐNA WO GAA-ZAƔA-KƐƐ NIITIƐ ƔAA WOTE:
-
Mariana wuloni ɓɔbai zu-nu-ma ɣɛ le kuuwu wũ-tuo veaitiɛ te feeni zeea?
-
Elias wuloni ɓɔbai zu-nu-ma ɣɛ le kuuwu wũ-tuo veaitiɛ te feeni zeea?
-
Ta wo-kɔ̃ɔ-mai ɣa ɓɔ e va ɣɛ le e ɣi-gaa-ziɛ ga pagɔ e vile tii va kuuwu wũ-tuo veaitiɛ ta kɛ?
