BŪMI BWA BENE KIDISHITU
Bakumbi Bengila Mwanda wa Biyampe bya Bantu ba Yehova
Bantu bavule badi na mumweno mubi pa boba badi na lupusa. Mwanda waka? I mwanda mu bula bwa mānga, bantu bengidijanga lupusa lwabo bibi mwanda wa tumweno twabo abo bene. (Mik 7:3) Tufwijanga’ko bininge mwanda bakulumpe mu kipwilo i bafundijibwe mwa kwingidijija lupusa lwabo mwanda wa biyampe bya bantu ba Yehova.—Ese 10:3; Mat 20:25, 26.
Kwishila na balupusa ba mu ino ntanda, bakulumpe bengilanga bu batadi mwanda basenswe Yehova ne bantu bandi. (Yoa 21:16; 1Pe 5:1-3) Bano bakumbi baludikwa na Yesu, bakwashanga musapudi yense eivwane bu udi kwabo mu kisaka kya Yehova kya batōtyi bandi ne kushala nyeke pabwipi na Yehova. Bapēlakananga kukankamika mikōko ya Yehova ne kwiikwasha shi kubaikala bundapi bwa bukidibukidi, ne shi kubalongeka kimpengele. Shi usakilwa bukwashi, kokekaka kumona mukulumpe wa mu kyenu kipwilo.—Yak 5:14.
TALAI VIDEO, BAKUMBI BATELE LUOMBE MUTYIMA, KUPWA LONDOLOLAI BINO BIPANGUJO:
-
Le Mariana wamwenine namani mu bukwashi bwa bakulumpe?
-
Le Elias wamwenine namani mu bukwashi bwa bakulumpe?
-
Le bino byowamona bibakulengeja wikale na mumweno’ka pa mwingilo wingilanga bakulumpe?
