CHIYOYELO CHAVAKA-KULISHITU
Tufunga Vaze Veji Kukafwanga Vatu jaYehova
Vatu vavavulu kavafwelela vaze vali nangolo jakuyulako. Twatachikiza ovyo veji kulingilanga ngocho. Vatu vavavulu vaze vatwama nangolo jakuyula vafwila kuzachisa ngolo kana mujila yayipi. (Mik 7:3) Twawahilila chikuma hakuwana nge vakulwane muvikungulwilo vavanangula kuzachisa ngolo javo mujila yize nayinganyalisa vatu jaYehova.—Ese 10:3; Mat 20:25, 26.
Vakulwane muvikungulwilo valihandununa navatu vamukaye vaze vatwama nangolo jakuyula, mwomwo vakiko veji kuzachisanga ngolo javo mujila yize yeji kusololanga nge vazanga Yehova navatu jenyi. (Yow 21:16; 1Pe 5:1-3) Ava tufunga veji kuvatwaminyinanga kuli Yesu mangana vakafwe vaka-kwambulula valivwe kupwa vavalemu muchikungulwilo nakupandama kuli Yehova. Valizanga kukolezeza mikoko jaYehova kushipilitu, nakuvakafwa nge kunasoloka misongo yakukasumuna chipwe ukalu wakulijila. Shikaho nge munakusaka kumikafwa, kaha lwezenu kalama wamuchikungulwilo chenu.—Yak 5:14.
TALENU VINDIYO YAKWAMBA NGWAVO, TUFUNGA VAZE VEJI KUZAKAMANGA MIKOKO, KUFUMAHO KUMBULULENU VIHULA VINAKAVANGIZAHO:
-
Uno Mariana anganyalile ngachilihi hakumukafwa kuli mukulwane muchikungulwilo?
-
Uno Elias anganyalile ngachilihi hakumukafwa kuli vakulwane muchikungulwilo?
-
Uno vyakutalilaho kana vinamilingisa mumone ngachilihi milimo veji kuzatanga vakulwane?
