Ji mathoth ok ogeno joma nitie e loch. To mano ok kawwa gi wuoro nikech dhano osebedo ka tiyo gi teko ma gin-go e yo marach mondo gin e ma giyud ber. (Mik 7:3) Wamor ahinya ni jodong-kanyakla osetieg mondo giti gi teko ma gin-go e konyo jo Jehova.—Est 10:3; Mat 20:25, 26.

Mopogore gi joloch mag pinyni, jodong-kanyakla timo dongruok mondo giyud migepe mag tayo jomamoko nikech gihero Jehova kod Jokristo wetegi. (Joh 21:16; 1Pe 5:1-3) Ka giluwo kaka Yesu tayogi, jokwathgo tiyo matek mondo gikony jalendo ka jalendo mondo owinj maber sama en e kind jotich Jehova kendo gikonyogi mondo gisud machiegni gi Jehova. Giikore konyo rombe mag Jehova mondo obed gi winjruok maber kode kendo gikonyogi e weche mag thieth mobiro apoya kata sama masira otimore. Bed thuolo tudori gi jaduong’-kanyakla moro amora ka diher ni mondo gikonyi e wach moro.—Jak 5:14.

NEURU VIDIO MA WIYE WACHO NI JOKWATH MA DEWO ROMBE, KAE TO UDWOK PENJO MA LUWOGI:

• Ere kaka jodongo nokonyo Mariana?

  Dwokoni

• Ere kaka jodongo nokonyo Elias?

  Dwokoni

• Ranyisi ma waneno e vidioni miyo ineno nade tich ma jodongo timo?

  Dwokoni