Boukou dimounn pena enn bon lopinion lor bann ki ena lotorite. Ek nou kapav konpran kifer. Boukou inn servi zot lotorite dan enn move fason ouswa pou zot prop lintere. (Mi 7:3) Alor, nou bien rekonesan ki Zeova form bann ansien dan bann lasanble pou servi zot lotorite pou lintere so pep.—Es 10:3; Mt 20:​25, 26.

Bann ansien zot bien diferan ar bann ki ena lotorite dan sa lemond-la. Zot travay dir antan ki bann responsab parski zot kontan Zeova ek so pep. (Zn 21:16; 1Pi 5:​1-3) Anba direksion Zezi, sa bann berze-la ed sak proklamater pou res pros ar Zeova ek pou santi ki zot ena zot plas dan fami Zeova. Bann ansien pa tarde pou ankouraz ek ed bann mouton Zeova kan ena enn irzans medikal, enn katastrof natirel, ouswa kan gagn enn maler. Si to bizin led, pa ezite pou koz sa avek enn ansien dan to lasanble.—Zak 5:14.

GET VIDEO BANN BERZE KI PRAN SWIN TROUPO BONDIE, EK APRE SA, REPONN SA BANN KESTION-LA:

• Ki bienfe Mariana inn gagne kan bann ansien inn ed li?

  To repons

• Ki bienfe Elias inn gagne kan bann ansien inn ed li?

  To repons

• Apre ki to’nn get sa video-la, ki to panse lor travay ki bann ansien fer?

  To repons