MAKHALELO EEKRISTAU
Amakampuci anaavara nteko wiira apoovu a Yehova akhale saana
Atthu enci khanaawehera saana ale anhoolela. Iyo itthwiiyo khinnitikiniha, ukhala wiira ikhumelo yokhalayi apinaatamu khanhoolela saana, ni anhoolela wiira aphwaanyere ifayita veekha caya. (Mik. 7:3) Ninawaasukhuru venci mahumu o wanlokoni, anhoolela saana wiira yaaphwanyihe ifayita apoovu a Yehova.—Ester 10:3; Mat. 20:25, 26.
Woovirikana naahooleli o ntuninyani, mahumu anhoolela nlattu wonfenta Yehova ni apoovwaawe. (Joau 21:16; 1 Pet. 5:1-3) Yattharaka ikano ca Yesu, ayo makampucyaayo anankavihera khula namalalyeera wiicoona upanka mphantte waamuci a Yehova ni umpatthanana uyova. Ayo ninrimaaya wotheene anaakavihera ikhontwaa ca Yehova nhina mminepani, yawerennyaka ni yaakhumelelaka ihasara. Wakhalaka wiira nyuuva nnaapheela ukaviheriya, nnoonela cani uwuulumana mahumu o wanlokoni winyu?—Tiya. 5:14.
MOONE IVIDIYU MAKAMPUCI ANWACERA SAANA IKHONTWAA. MWAMALIHAKA, MWAAKHULE ALA MAKOHWAALA:
-
Manannani anuunu Mariana caakaviheriyaaya nimahumu?
-
Manannani amunna Elias caakaviheriyaaya nimahumu?
-
Wiiwa winyu nnyo ihantisinnyo, nnoonela cani nteko unvaraaya mahumu?
