Elõñ armej rejjab lõke ro me ewõr kajoor im maroñ ko ippãer. Jemaroñ mel̦el̦e kõn unin aer bõk kain l̦õmn̦ak rot in. Etke? Kõnke jãn jinoin bwebwenato an armej, el̦ap an ro el̦ap maroñ ko ippãer kõjerbal maroñ ko aer ilo wãween ko renana im rejjab jim̦we bwe ren bõk tokjãn ñan er make. (Mai 7:3) Ak el̦ap ad kam̦m̦oolol kõn em̦m̦aan ro rej lale eklejia kõnke kar kammineneik er bwe ren kõjerbal maroñ ko aer ñan em̦m̦an eo an armej ro an Jeova.—Est 10:3; Mt 20:​25, 26.

Em̦m̦aan ro rej lale eklejia relukkuun oktak jãn ri-tõl ro me ewõr aer maroñ ilo lal̦ in. Rej kõm̦m̦ane jerbalin lale eklejia kõnke rej yokwe Jeova im armej ro an. (Jon 21:16; 1Pi 5:​1-3) Ium̦win tõl eo an Jesus, jabõt rein rej jipañ kajjojo ri-kwal̦o̦k naan ro bwe ren eñjake bwe rej m̦õttan baam̦le in ri-karejar ro an Jeova im bwe ren pãd epaake wõt Jeova. Rej m̦õkaj ñan lel̦o̦k naanin rõjañ ko ñan jiip ro an Jeova im ñan jipañ ñe ej wal̦o̦k jorrããn ilo idiñ ikijjeen ãjmour ak ñe ej wal̦o̦k jorrããn jãn l̦añ ko rel̦l̦ap. El̦aññe kwõj aikuj jipañ, jouj im jab mijak ak ãliklik ñan kõnono ippãn juon iaan em̦m̦aan ro rej lale eklejia eo am̦.—Jem 5:14.

ALWÕJE PIJA EO ETAN SHEPHERDS WHO CARE FOR THE FLOCK, INNEM UWAAKE KAJJITÕK KEIN ITULAL̦:

• Ewi wãween an kar Mariana bõk tokjãn jãn jipañ eo jãn em̦m̦aan ro rej lale eklejia?

  Uwaak eo am̦

• Ewi wãween an kar Elias bõk tokjãn jãn jipañ eo jãn em̦m̦aan ro rej lale eklejia?

  Uwaak eo am̦

• Ãlikin am̦ kar alwõje pija eo, ewi wãween am̦ eñjake kõn jerbal eo em̦m̦aan ro rej lale eklejia rej kõm̦m̦ane?

  Uwaak eo am̦