Шукышт властьым кучышо-влакым огыт йӧрате. Ме тидлан она ӧр, вет историй мучко еҥ-влак властьым шке пайдалан кучылтыныт (Мх 7:3). Но организацийыштына кугурак иза-влак Иегован калыкшын пайдаж верч властьым кучылташ туныктымо улыт. Тидлан ме чот куанена! (Эсф 10:3; Мф 20:25, 26).

Кугурак иза-влак тиде тӱняште властьым кучышо еҥ-влак деч чот ойыртемалтыт. Виктарымаш пашам шукташ нуным Иегова дек да тудын калыкше дек йӧратымаш кумылаҥда (Ин 21:16; 1Пт 5:1—3). Иисусын виктарымыже почеш кугурак иза-влак погынымаште кажныжлан шкем ешыште лиймыла шижаш да Иегова деке лишемаш полшат. Нуно Иегован служитлышыж-влаклан духовно полшаш да медицине шотышто вучыдымо ситуаций годым але пӱртӱс вий дене лийше эҥгек деч вара полшаш ямде улыт. Тыланет каҥаш кӱлеш але тыйым иктаж-мо тургыжландара гын, погынымашет гыч иктаж-могай кугурак иза деч полышым йод (Иак 5:14).

«ПАСТЫРИ, КОТОРЫЕ ЗАБОТЯТСЯ О СТАДЕ» ВИДЕОРОЛИКЫМ ОНЧАЛ ДА ВАШМУТЫМ ПУ:

• Кузе кугурак иза-влак Марьяналан полшеныт?

  Вашмутет

• Кузе кугурак иза-влак Элиаслан полшеныт?

  Вашмутет

• Тиде видеороликым ончымо деч вара кугурак иза-влакын пашашт нерген мом шонет?

  Вашмутет