IMPILO YAMAKHRISTU
Abelusi Abenzela Abantu BakaJehova Okuhle
Abantu abanengi kabazithandi iziphathamandla. Kungani kunjalo? Sekulesikhathi eside abantu abanengi abasezikhundleni besenza izinto ezinceda bona kuphela. (Mik 7:3) Kuyasithokozisa ukuthi abadala bamabandla bayafundiswa ukuthi basebenzise kuhle amandla abo ukuze benzele abantu bakaJehova okuhle.—Est 10:3; Mat 20:25, 26.
Abadala bona abafanani leziphathamandla ezisemhlabeni lo. Okwenza bona balalamela ukuba ngababonisi yikuthanda uJehova labantu bakhe. (Joh 21:16; 1Pe 5:1-3) Abelusi laba abakhokhelwa nguJesu benza ukuthi ummemezeli ngamunye akhululeke ukuba semulini yabantu bakaJehova lokuthi ahlale eseduze laye. Kabaphuzi ukukhuthaza izimvu zikaJehova lokuzincedisa nxa zigula kumbe zehlelwe ngumonakalo. Nxa ufuna ukuncediswa ungathikazi ukuthintana lomdala osebandleni lakho.—Jak 5:14.
BUKELANI IVIDIYO ETHI ABELUSI ABANAKEKELA UMHLAMBI, BESELIPHENDULA IMIBUZO ELANDELAYO:
-
Abadala bamnceda njani uMariana?
-
Abadala bamnceda njani u-Elias?
-
Okubone kuvidiyo le kwenza uwubone njani umsebenzi wabadala?
