MAPONERO O CIKRISTU
Vahavisi Vanoshanda Kuitira Kugara Ushoni ko Vandhu va Jehovha
Vandhu vakawanda avathembi vandhu vano zvigaro zvakakhwirira. Izvo zvinonasa kuzika. Vandhu vazinji vanoshandisa zvigaro zvavo mu njira yakashata. (Mk 7:3) Zvinodakajisa maningi kuziva kuti vakuru mu ungano vakarovejwa kuti vashandise simba ravo kuitira kugara ushoni ko vandhu va Jehovha. —Est 10:3; Mt 20:25, 26.
Vakuru vakasiyana maningi no vandhu vano zvigaro zvakakhwirira mu nyika nyamasi uno. Ivona vanoshanda inga vatungamiriri ngokuti vanoda Jehovha no vandhu vake. (Joh 21:16; 1 Ped 5:1-3) Vecitungamirihwa ndi Jesu, vahavisi ava vanobesera mucumaeri umwe nga umwe kuti ajizwe ari divi ro vanamati va Jehovha no kuva phedo naye. Ivona vanokasika kupa besero mavhuta a Jehovha no kuabesera paya pavanodikana kuraphwa ngo kukasika kana panoitikaya ngozi jinoitika joga. Kudari munoda besero, ngenyi amuendi kobhuya no mukuru ari wese wo mu ungano yenyu? —Jak 5:14.
VONANYI VHIDHIYO INOTI: VAHAVISI MUNGAKORONDHA KUDINI MUSHAMBI, PERAPO DAVIRANYI MUVHUNJO JINOTEVERA:
-
Hambzaji Mariana vakabesereka kudini ngo besero rovakapuwa ngo vakuru?
-
Hama Eriya vakabesereka kudini ngo besero rovakapuwa ngo vakuru?
-
Mukuzwirana no zvataperari kuvona mu vhidhiyo iyi, munovona kudini basa rinoithwa ngo vakuru?
