OKUMI WEEKRISTU
Akukhula Yaawo Analapa Ntakhara Okhala Phaama wa Achu a Yehova
Achu ancipale hanaaroromela nave akhalano miyoonelo sooheseya vooloca sa achu arinono owerya. Hiyaano nnanwerya wiiwexexa, ntakhara heeni? Ovinyerya khalai achu akhalano yaweereya aya ya opharihela muteko olamulelo aya moonanara. (Mik 7:3) Ninnathamalela vancipale ntakhara ovyakiha asitokweene yaakhenlaaya wi epharihele mavyakelo aya mmukhalelo wa phaama ntakhara achu a Yehova.—Est 10:3; Mat 20:25, 26.
Moohiyana ni achu yaawo arino owerya mu elapo yeela, atokweene a muloko awo anniiveleela wi elipelele muhuwo wa Muluku yooniheryaka osivela wa Yehova ni achu awe. (Yoh 21:16; 1Pet 5:1-3) Orweela wa ohoolela wa Yesu, atokweene yaala annamukhaviherya mmoha ti mmoha wiisoona okhala ootaphuwa variyari va emusi ya alapeli a Yehova, ni otitelela okhala awaacameleya ni Yehova. Awo tawaakuveya ovahererya nikhaviheryo noomunepani ntakhara ipucepuche sa Yehova, ni ovahererya nikhaviheryo nawaakuveya oxipitale nari vaavaa enakhumelelaaya epahu. Vaavaa munachunaanyu nikhaviheryo, munona hai oloca ni mutokweene a muloko anyu?—Tiy 5:14.
MOONE EXILEMA AKUKHULA YAAWO ANATHOKORORYA IPUCEPUCHE, NAVE VOOCHARELA MWAAKHULE MAKOHO ANACHARELA:
-
Timwawihayi Mariana ophunreiye orweela wa nikhaviheryo asitokweene avaherenryaaya?
-
Timwawihayi Elias ophunreiye orweela wa nikhaviheryo na asitokweene avaherenryaaya?
-
Timwawihayi saweereya seiha sinavolowelaaya moonelo anyu vooloca sa muteko atokweene anapakaaya?
