BOPHELO BJA BOKRISTE
Badiši Bao ba Šomago ka Thata go Hlokomela Batho ba Jehofa
Batho ba bantši ga ba tshepe bao ba nago le matla a bolaodi. Na re ka ba sola? Ke kgale batho ba bantši ba diriša gampe matla a bona a go laola e le gore ba ikhole. (Mik 7:3) Re leboga gore bagolo ba ka diphuthegong ba tlwaeditšwe gore ba diriše gabotse matla a bona a go laola e le gore ba hole batho ba Modimo —Est 10:3; Mat 20:25, 26.
Ga ba swane le balaodi ba lefase le ka gore bona ba phetha boikarabelo bja go ba balebeledi ka gobane ba rata Jehofa le batho ba gagwe. (Joh 21:16; 1Pe 5:1-3) Ka ge bagolo ba ba hlahlwa ke Jesu, ba thuša mogoeledi yo mongwe le yo mongwe gore a ikwe a amogelega ka mo mokgatlong wa Jehofa le gore a dule a na le segwera se sebotse le yena. Ba kgothatša batho ba Jehofa e bile ba ba thuša ka pela ge ba na le maemo a tšhoganyetšo a tša maphelo goba ba wetšwe ke dikotsi tša tlhago. Ge o hloka thušo, ikwe o lokologile go bolela le yo mongwe wa bagolo ka phuthegong ya geno.—Jak 5:14.
BOGELANG BIDIO YA BADIŠI BAO BA HLOKOMELAGO MOHLAPE, KE MOKA LE ARABENG DIPOTŠIŠO TŠE:
-
Mariana o ile a holwa bjang ke thušo e tšwago go bagolo?
-
Elias o ile a holwa bjang ke thušo e tšwago go bagolo?
-
Ka morago ga go bogela bidio ye, o ikwa bjang ka mošomo wo o dirwago ke bagolo?
