Бартӕ кӕмӕ фӕууй, уонӕмӕ беретӕ хуарз цӕстӕй нӕ фӕккӕсунцӕ. Ӕма е дессаг нӕй, уомӕн ӕма адӕн сӕ бартӕй арӕхдӕр сӕхе хуарзӕн фӕппайда кӕнунцӕ (Мх 7:3). Хуарз ӕма не ’мбурдти хестӕр нӕлгоймӕгти Йеговӕ ахур кӕнуй, цӕмӕй сӕ бартӕмӕ раст цӕстӕй кӕсонцӕ ӕма, Йегови адӕнӕн пайда ци уодзӕй, уобӕл архайонцӕ (Есф 10:3; Мф 20:25, 26).

Аци дуйней адӕнӕй уӕлдай, бартӕмӕ ци ӕнсувӕртӕ тундзунцӕ, етӕ Йегови ӕма ӕ адӕни уарзунцӕ ӕма сӕ фӕндуй, цӕмӕй син фулдӕр балӕггадӕ кӕнонцӕ (Ин 21:16; 1Пт 5:1–3). Киристей разамундмӕ гӕсгӕ хестӕр нӕлгоймӕгтӕ фӕййархайунцӕ, цӕмӕй хуӕртӕ ӕма ӕнсувӕртӕн ӕмбурд хе бийнонти хузӕн исуа ӕма Йеговӕмӕ хӕстӕгдӕр кӕнонцӕ. Етӕ алкӕддӕр цӕттӕ фӕуунцӕ банхус кӕнунмӕ, ӕрдзон бӕллӕхи рӕстӕг дӕр, удта дӕ ӕнӕнгъӕлӕги дохтири ӕнхус ку багъӕуа, уӕд дӕр. Кӕд дӕ ести тухсун кӕнуй кенӕ дӕ унаффӕ гъӕуй, уӕд ма бафсӕрми кӕнӕ ӕма де ’мбурди хестӕр нӕлгоймӕгтӕмӕ бацо (Иак 5:14).

БАКӔСӔ ВИДЕОРОЛИКМӔ «ПАСТЫРИ, КОТОРЫЕ ЗАБОТЯТСЯ О СТАДЕ» ӔМА ДЗУАПП РАТТӔ АЦИ ФАРСТАТӔБӔЛ:

• Хестӕр нӕлгоймӕгтӕ Марьянӕн куд банхус кодтонцӕ?

  Дӕ дзуапп рафинсӕ

• Хестӕр нӕлгоймӕгтӕ Элиасӕн куд банхус кодтонцӕ?

  Дӕ дзуапп рафинсӕ

• Аци видеоролик дин куд банхус кодта хестӕр нӕлгоймӕгти хъиамӕтмӕ ӕндӕр цӕстӕй ракӕсун?

  Дӕ дзуапп рафинсӕ