Aliwliway pakanengneng na dakel ya totoo ed saray walaan na autoridad. Agtayo ra natetel ta manlapu la nensaman et aabusoen la na totoo so autoridad da parad sarilin pankaabigan da labat. (Miq 7:3) Balet misatsalamat tayo ta impasal iray elder ed kongregasyon ya usaren day autoridad da parad pankaabigan na totoo nen Jehova.—Es 10:3; Mat 20:​25, 26.

Aliwan singa saray walaan na autoridad ed sayan mundo, gagawaen na saray elder so kimey da bilang manangasikaso lapud inaro day Jehova tan saray totoo to. (Jn 21:16; 1Pe 5:​1-3) Diad panangigiya nen Jesus, tutulongan na sarayan pastol so kada manangipalapag ya nalikna dan parte ira na pamilya nen Jehova tan pian mansiansia ran maapit ed sikato. Wadtan iran tampol no kaukolan na saray karnero nen Jehova so panamaseseg tan no kaukolan day tulong lapud emergency, odino no walay kalamidad. No kaukolan moy tulong, mas maabig no sika lan mismo so onasingger ed sakey ya elder ed kongregasyon yo.—San 5:14.

BANTAYAN SO VIDEO YA SARAY PASTOL YA MANGAASIKASO ED PULOK, INSAN EBATAN IRAYAN TEPET:

• Panon ya atulongan na saray elder si Mariana?

  Say ebat mo

• Panon ya atulongan na saray elder si Elias?

  Say ebat mo

• Antoy epekto na sayan abantayan mo ed pakanengneng mo ed gagawaen na saray elder?

  Say ebat mo