Väle denkjen schlajcht äwa soone, waut doa een Aumt haben. Un eena weet je uk, wuarom. Daut haft sikj emma wada utjewäsen, daut een deel Menschen äare Macht bloos fa äaren ieejnen Nutzen jebrukt haben (Mi 7:3). Oba bie de Eltestasch enne Vesaumlunk es daut aundasch. Dee haben daut jelieet, äare Macht soo to brucken, daut Jehova siene Deena daut goot jeit. Sent wie nich sea dankboa doafäa? (Est 10:3; Mat 20:​25-26).

De Eltestasch sent nich soo aus de Beaumte von dise Welt. Eltestasch doonen äare Oabeit aus Oppsechta, wiels dee Jehova un uk siene Deena leewen (Joh 21:16; 1Pe 5:​1-3). Dee kjrieen de Aunleidunk von Jesus un proowen, jieda Vekjindja to halpen, daut dee sikj Poat von Jehova siene Famielje feelt un dicht bie Jehova blift. Dee sent reed, Jehova siene Schop em jeisteljen bietostonen un uk wan dee met eenst sea krank woaren ooda wan doa een Owwada passieet. Wan die daut aun Help fält, dan kaust du eenen Eltesten von diene Vesaumlunk wellich no Rot froagen (Jak 5:14).

KJIKJ DAUT VIDEO HOADS, WAUT SIKJ OM DE HÄAD KJEMREN, UN DAN BEAUNTWUAT DISE FROAGEN:

• Woo kjeem Mariana de Help togood, waut de Eltestasch ar jeewen?

  Diene Auntwuat

• Woo kjeem Elias de Help togood, waut de Eltestasch am jeewen?

  Diene Auntwuat

• Woo denkjst du nu äwa de Oabeit, waut de Eltestasch doonen?

  Diene Auntwuat