Wanthu azinji anamaganizo yoipa pa udindo womwe anawo. Mbani angawatsuule? Mu mbiri ya wanthu vinkuoneka kuti wanthu azinji aphatisa basa udindo wawo kuti adziphindulise okha. (Mik 7:3) Koma isepano ndise wokondwa maninge ndawa yakuti wanthu womwe anyang’anira mu gulu ya Yahova apfunzisiwa kuphatisa basa udindo wawo ndawa ya ubwino wa wanthu wa Yahova.—Est 10:3; Mt 20:25, 26.

Mosiyana na wanthu womwe anaudindo mu dziko ino, wanthu omwe anaudindo mu mpingu anyang’anira ndawa yokonda Yahova na wanthu wake. (Yoh 21:16; 1Pe 5:1-3) Motsogolerewa na Yesu, akulu mwawa athandiza aliyese mu mpingu kukhala womasuka na kudzibva kuti ali m’banja ya wanthu wotumikira Yahova. Iwo afulumiza kupereka thandizo ya uzimu kwa nkhosa za Yahova na kuthandiza pakachitika vinthu vosadikhirika. Peno munkufuna thandizo, tani imwepo kuyamba kufenderera akulu wa mu mpingu mwanu?—Yak 5:13.

NYANG’ANIRANI VIDIYO YAKUTI ABUSA OMWE ACHASAMALIRA NKHOSA, NDIPO IKAMALA DAWIRANI MIBVUNZO AYA:

• Ko Mariana adaphindula tani na thandizo yomwe akulu adapereka?

  M’dawiro wanu

• Ko Elias adaphindula tani na thandizo yoperekewa na akulu?

  M’dawiro wanu

• Ko vogumana navo ninge vimwevi vikhudza tani kawonedwe kanu pa basa zomwe akulu achaphata?

  M’dawiro wanu