E kʼi utz ta kekil ri yaʼom eqeleʼn chke. ¡Y kʼo rumal che kkibʼan wariʼ! Rumal che ri winaq ri kʼo taqanik pa kiqʼabʼ kkikojo rech kʼo kkichʼak chrij. Y are waʼ ri tajin kkʼulmataj cho ri uwach Ulew (Miq 7:3). ¡Are kʼu ri utinamit ri Jehová je ta kubʼano! Xaneʼ kʼutum chuwach jas kubʼan che ukojik ri taqanik che yaʼom che rech kuriq utzilal ri congregación (Est 10:3; Mt 20:25, 26).

Ri kʼamal taq bʼe re ri congregación kejunamataj ta kukʼ ri winaq re wajun uwach Ulew, rumal che kkiloqʼoqʼej ri Jehová y ri e qachalal (Jn 21:16; 1Pe 5:1-3). Ri kʼamal taq bʼe kkesaj uwach ri Jesús y kekitoʼ ri upatanelabʼ ri Jehová rech kekikot pa ri utinamit y kekʼojiʼ chunaqaj. Y kkiya kichuqʼabʼ konojel ri qachalal. Are chiʼ kkʼulmataj jun kabʼraqan, jun kaqiqʼ jabʼ o jun chi kʼax o are chiʼ xaq kʼateʼ kkʼam bʼi jun pa hospital, amaqʼel e kʼo che kitoʼik ri qachalal. We kajwataj tobʼanik chawe, chabʼij chke ri kʼamal taq bʼe re ri acongregación che katkitoʼo (Snt 5:14).

ARE CHIʼ AWILOM CHI RI VIDEO KʼAMAL TAQ BʼE CHE KEKICHAJIJ RI UPATANELABʼ RI DIOS, CHATZALIJ KIWACH RI PREGUNTAS RIʼ:

• ¿Jas tobʼanik xkiya ri kʼamal taq bʼe che ri qachalal Mariana?

  Ri arespuesta

• ¿Jas tobʼanik xkiya ri kʼamal taq bʼe che ri qachalal Elías?

  Ri arespuesta

• Are chiʼ awilom chi ri video, ¿jas kachomaj chrij ri chak che kkibʼan ri kʼamal taq bʼe?

  Ri arespuesta