Yaqa llapan autoridadkunam utaq imapipas kamachikuqkunam mana allin qawasqa kanku. Chayna riqsisqaqa kanku kikillankupaq munaq kasqankuraykum. Ñawpaqmantaraqmi autoridadkunaqa chayna karqaku (Miq 7:3). ¡Diosta serviqkunam ichaqa mana chaynachu kanchik! Jehova Diosmi yachachin punta apaqkunaqa iñiqmasinkunata cuidananpaq hinaspa yanapananpaq (Est 10:3; Mt 20:​25, 26).

Punta apaqkunaqa manam kay pachapi kikillankupaq munaq autoridadkuna hinachu kanku, paykunaqa Jehova Diosta kuyasqankurayku hinaspa iñiqmasinchikkunata kuyasqankuraykum allinta cuidanku (Jn 21:16; 1Pe 5:​1-3). Punta apaqkunaqa Jesuspa kamachisqanman hinam yanapan iñiqmasinkunata, chaynapi Jehova Diosta kusisqa servinankupaq hinaspa paymanta mana karunchakunankupaq. Paykunaqa chayllam kachkanku imapas kaptin utaq pipas unquruptin yanapaykunankupaq hinaspa kallpanchaykunankupaq. Sichum munanki imapipas yanapaykusunaykita hinaptinqa ama iskayrayaspayá punta apaqkunaman willakuy (Snt 5:​13, 14).

PUNTA APAQKUNAQA YANAPAWANCHIKMI SUTIYUQ VIDEOTA QAWARUSPA, KAY TAPUKUYKUNAMANTA RIMARIY:

• ¿Imaynam Mariana tarikurqa punta apaqkuna yanapaykuptin?

  Qillqanapaq

• ¿Imaynam Eliasqa tarikurqa punta apaqkuna yanapaykuptin?

  Qillqanapaq

• Kay videota qawaruspayki, ¿imatataq piensanki punta apaqkunapa tukuy ima ruwasqankumanta?

  Qillqanapaq