NOUT VI KRÉTIEN
Bann bèrjé k’i travay dur pou bien okip lo pèp Jéova
Néna in bonpé domoun i port pa tro dan zot kèr sak néna in lotorité. Èské nou dévré roproch azot sa ? Dépi lontan, domoun la abiz zot lotorité rienk pou zot gingné (Miché 7:3). Gran mèrsi néna d’zansien dan lasanblé k’i ansèrv zot lotorité pou fé lo bien lo pèp Jéova (Ést 10:3 ; Mat 20:25, 26).
Bann zansien i rosanm pa sak néna in lotorité dann monn la, zot i aksèp bann rèsponsabilité parské zot i èm Jéova èk son pèp (Jan 21:16 ; 1 Pièr 5:1-3). Bann bèrjé la i lès Jézu gid azot, é i èd chak proklamatèr san ali bien dan la famiy Jéova é rès kosté koté li. Zot i tard pa pou aport in lèd spirituèl é port sokour bann ti brébi kan i fo règ vitman in problèm santé, oubien kan néna in katastrof. Si ou la bézoin kou d’min, san aou lib alé koz èk in zansien out lasanblé (Jak 5:14).
ROGARD LO VIDÉO BANN BÈRJÉ K’I OKIP BIEN LO TROUPO, APRÉSA RÉPOND BANN KÈSTION LA :
-
Kèl bon zafèr Mariana la gingné kan bann zansien la vni èd ali ?
-
Kèl bon zafèr Elias la gingné kan bann zansien la vni èd ali ?
-
Apré sak banna la di, astèr koman sa i chanj nout fason oi lo travay bann zansien ?
