E GOĎI PREDAL AMARO DŽIVIPEN
O pasťjera, save keren sa pre amaro lačhipen
Andre kada svetos but manuša na paťan olenge, saven hin zor. Na čudaľinas pes oleske, bo imar but berša o manuša na mište keren peskera zoraha. Nekbuter lenge džal pal peste, na pal avrende. (Mi 7:3) Amare zborova phuredera hine aver. Hine sikhľarde avri te kerel peskera zoraha pro lačhipen le Jehovaskere ľudoske. Paľikeras lenge! (Est 10:3; Mat 20:25, 26)
Soske avka keren? Bo o zborova phuredera kamen le Jehovas the leskero ľudos. (Ján 21:16; 1Pe 5:1–3) O Ježiš len ľidžal, kaj pes te ciťinas andro zboros sar andre fameľija a kaj te ačhas lačhe le Jehovaha. Hine pripravimen amen te podhazdel goďaver lavenca. Rado amenge poden o vast, te amenge kampel te džal andre špitaľa abo sar zadživas bibacht. Vašoda ma dara te džal pal o zborovo phureder, te tuke kampela te pomožinel. (Jak 5:14)
DIKHEN O VIDEJO O PASŤJERA, SO PES LAČHES STARINEN PAL O BAKRORE A PAĽIS VAKEREN JEKHETANE:
-
Savi chasna sas la pheňa olestar, so predal late kerenas o zborova phuredera?
-
Savi chasna sas le phrales olestar, so predal leste kerenas o zborova phuredera?
-
Pal kada videjo, sar dikhes pre buťi, savi keren o zborova phuredera?