TE ŽIVINA SAR HRISTIJANJA
Pastirija so grižinena pe bašo šukaripe e Jehovaskere narodoskoro
But manuša dikhena negativno ko adala so isi len nesavo avtoriteti. Adava tano agjaar soske beršencar sine manuša kola so zloupotrebingje plo avtoriteti baši lično korist (Mh 7:3). But siem blagodarna so o starešine taro sobranija tane obučime te koristinen pumaro avtoriteti bašo šukaripe e Devleskere narodoskoro (Es 10:3; Mt 20:25, 26).
Različno taro okola so isi len nesavo avtoriteti ko sveto, o starešine kerena pumari zadača sar nadglednikija taro mangipe sprema o Jehova hem sprema leskere sluge (Jvn 21:16; 1Pe 5:1-3). Vodime taro Isus, akala pastirija pomožinena sekole objaviteleske te osetinel pe delo tari e Jehovaskiri familija hem te ačhol paše e Jehovaja. Ola tane spremna te ohrabrinen e Jehovaskere bakhren hem te pomožinen keda valjani lenge itno medicinsko pomoš ili keda isi nesavi katastrofa. Ako valjani tuke nesavi pomoš, dža hem ker lafi nesave starešinaja taro tlo sobranie (Jk 5:14).
DIKH O KLIPI PASTIRIJA KOLA SO GRIŽINENA PE BAŠO STADO, A PALO ADAVA ODGOVORIN KO AKALA PUČIBA:
-
Sar koristingja e Marijanake i pomoš so dobingja la taro starešine?
-
Sar koristingja e Ilijaseske i pomoš so dobingja la taro starešine?
-
Otkeda dikhljan akava klipi, so mislinea bašo adava so kerena o starešine?
