Batinyu manni silxaane noonsa manna diammaˈnanno. Insa ammaˈna hoogansanni dibushiinsheemmo. Mayira yiniro lowo diro mannu ooso silxaanensa uminsa horora horoonsidhanni keeshshitino. (Mi 7:3) Songote cimeeyye kayinni silxaanensa woy qoossonsa Yihowa manna kaaˈlate horoonsiˈnanni gara qajeeltino; tini lowo geya hagiirsiissannote.—As 10:3; Mt 20:25, 26.

Cimeeyye silxaane woy qoosso afiˈrate sharrantannohu Yihowanna mannasi baxxannohuraati ikkinnina tenne alamera silxaane noonsa manni gede ikkate diˈˈikkino. (Yoh 21:16; 1Ph 5:1-3) Kuri allaalaasine Yesuusi uyino biddishsha harunsite mittu mittunku halashshaanchi Yihowa maate wido ikkinota huwatanno gedenna Yihowawa shiqe heeˈranno gede kaaˈlitanno. Insa Yihowa hoshsha ayyaanaamittetenni towaatatenna hikkiminnu hajo woy hedeweelcho dano kalaqantanno woyite insa kaaˈlate qixxaabbinoreeti. Kaaˈlo hasiissannoheha ikkiro, songokki cimeessa shiqqe hasaawisate hobbi ruxxi yitooti.—Ya 5:14.

MAGANU HOSHSHA TOWAATTANNO ALLAALAASINE YITANNO VIIDIYO LAˈINIHU GEDENSAANNI AANTE NOO XAˈMUWARA DAWARO QOLATE WOˈNAALLE:

• Cimeeyye Maariyaana kaaˈlitinohu hiittoonniiti?

  Dawaro

• Cimeeyye Ileeyizhi kaaˈlitinohu hiittoonniiti?

  Dawaro

• Kuri woˈnaalshuwa cimeeyye loossanno loosi daafira mayite hedatto gede assitinohe?

  Dawaro