Tsy matoky ty manam-pahefà ty ankamaroan’olo henanizao. Fa tsy mahatseriky raha zay. Fa liany ela ty olo ro manararaotsy ty fahefàny mba hahasoa ty vatany. (Mi 7:3) Tena ankasitrahantsika anti-panahy reo satria ampiofanini-Jehovah rozy ka mampiasa soa ty fahefàn-drozy mba hahasoa ty vahoakini-Jehovah.—Es 10:3; Mt 20:​25, 26.

Tsy manahaky ty manam-pahefà amy tontolo toy eto ty anti-panahy. Ty fitiavan-drozy ani-Jehovah noho ty aondriny ro manosiky an-drozy hanao ty andraikitsin-drozy. (Jn 21:16; 1Pe 5:​1-3) Manoriky ty tari-dalani-Jesosy rozy, ka manampy ty mpitory kiraidraiky hahatsapa hoe soasoa ty anisani-fianakaviani-Jehovah. Ampean-drozy koa ty mpitory mba hifandramby marìny amy Jehovah avao. Manao raha malaky ty anti-panahy mba hampahery ty aondrini-Jehovah sady manampy an-drozy lafa misy fitsaboa tampoky na loza. Ka lafa mila fanampea iha, le ka misalasala miresaky amy anti-panahy amy fiangonanareo eo.—Jk 5:14.

HENTEO TY VIDEO HOE MPIARAKY NITENDRENI-JEHOVAH HIKARAKARA TY AONDRINY, BAKEO VALEO FANONTANEA RETOA:

• Akory ty nanampeani-anti-panahy ani-Mariana?

  Valin-teninao

• Akory ty nanampeani-anti-panahy ani-Elias?

  Valin-teninao

• Manao akory ty fahitanao ty asa ataoni-anti-panahy laha hentea video iny?

  Valin-teninao