WI KRESTEN LIBI
Skapuman di e wroko tranga fu sorgu gi a pipel fu Yehovah
Furu sma no e frutrow sma di abi hei posisi. Disi de so fu di na ini den hondrohondro yari di pasa, sma di abi hei posisi ben gebroiki a makti fu den fu kisi wini gi densrefi nomo (Mik 7:3). Wi de nanga tangi dati den gemeente owruman kisi leri fa fu gebroiki den grani di den abi gi a bun fu Yehovah pipel.—Est 10:3; Mt 20:25, 26.
Den owruman de tra fasi leki sma di abi wan hei posisi ini a grontapu disi. Den e du den wroko leki skapuman fu di den lobi Yehovah nanga en pipel (Yoh 21:16; 1Pe 5:1-3). Den skapuman disi e yepi ibri preikiman fu firi bun na ini a gemeente èn fu tan krosibei fu Yehovah. Den de gaw fu gi den skapu fu Yehovah deki-ati èn fu yepi te wan sma kon siki wantronso, noso te wan rampu pasa. Efu yu abi yepi fanowdu, dan no draidrai fu taki nanga wan owruman fu yu gemeente—Yak 5:14.
LUKU A FELEM SKAPUMAN DI E SORGU DEN SKAPU. BAKA DATI PIKI DEN AKSI DISI:
-
Fa Mariana kisi wini fu a yepi fu den owruman?
-
Fa Elias kisi wini fu a yepi fu den owruman?
-
Baka di yu si a felem, fa yu e denki now fu a wroko di den owruman e du?
