PHELA JOALOKA MOKRESTE
Baholo ba Sebetsa ka Thata ho Thusa Batho ba Jehova
Batho ba bangata ha ba tšepe batho ba nang le matla a bolaoli. Rea utloisisa hore na ke hobane’ng. Batho ba bangata ba nang le matla a bolaoli ba tsebahala ka ho sebelisa matla ao hampe. (Mik 7:3) Rea thaba hore ebe baholo ka phuthehong ba koetliselitsoe ho phetha boikarabelo ba bona ka tsela e tla tsoela batho ba Jehova molemo.—Est 10:3; Mat 20:25, 26.
Baholo ha ba sebelise boikarabelo boo ba bo fuoeng hampe joaloka batho ba lefatše lena. Empa ba sebetsa ka thata hobane ba rata Jehova le batho ba hae. (Joh 21:16; 1Pe 5:1-3) Ba latela tataiso ea Jesu ka hore ba thuse mohoeletsi e mong le e mong hore a ikutloe a amohelehile ka lapeng la Jehova ebile ba ba thusa hore ba be le kamano e ntle le Jehova. Ba potlakela ho ba khothatsa le ho ba thusa ha ho hlaha maemo a tšohanyetso a kang ho kula kapa ha ho hlahile koluoa. Haeba u hloka thuso, u se ke oa tšaba ho bua le moholo phuthehong ea heno.—Jak 5:14.
SHEBELLANG VIDEO EA BALISA BA HLOKOMELA MOHLAPE EBE LE ARABA LIPOTSO TSE LATELANG:
-
Tsela eo baholo ba thusitseng Mariana ka eona e mo tsoetse molemo joang?
-
Tsela eo baholo ba thusitseng ntate Elias ka eona e mo tsoetse molemo joang?
-
Ka mor’a ho shebella video ee, u ikutloa joang ka mosebetsi oo baholo ba o etsang?