Wiká ko ke aʼlá nata echi nuláami jitra. Alí ti machí chúsiá echi riká nata jiti ma chabé jonsa wiká pagótami japi nuláami ju, we cha riká noká jiti winomíwami nínali o jarecho si namuti jitra (Miq 7:3). ¡Nalí echoná Jeobá puéblowala ko ke echi riká ikí! Jeobá ko bineri echi ancianos jiti we aʼlá nulama echoná congregación alí echi riká iʼwírima echi hermanos (Est 10:3; Mt 20:25, 26).

Echi ancianos ko, ke ju japi riká echi nuláami japi nirú jenaʼí Wichimóbachi. Echi ko iʼwiri jiti we galé Jeobá alí echi hermanos (Jn 21:16; 1Pe 5:1-3). Echi ancianos ko nijewi japi riká nulá Jesús alí iʼwiri suwaba echi publicadores jiti we kanílima echoná congregación alí aminabi mulíwima Jeobá. Alí sinibí we sapú iʼwiri echi hermanos japalí newalesa, japi riká japalí karúa ikisaa o japalí torúami nisa echomí hospital. Jiti la, japalí mi newalesa nikúurola, ke bi nátika ripí alí sapú ruyé bilé anciano echoná congregación (Snt 5:14).

MA INESA ECHI VIDEO NISÉAMI JAPI WE AʼLÁ TIBÚ ECHI BOʼWÁ, ANISÍ JAPI TI MI NÁRIPORÉ JENAʼÍ:

• ¿Chúriká iʼwírili Mariana japi riká nokali echi ancianos echi iʼwiria?

  Japi mi ruyema

• ¿Chúriká iʼwírili Elías japi riká nokali echi ancianos echi iʼwiria?

  Japi mi ruyema

• Ma inesa jepuná video, ¿piri mi nata echi nóchali jitra japi noká echi ancianos?

  Japi mi ruyema