MORIS NUʼUDAR EMA KRISTAUN
Bibi-atan sira neʼebé hakaʼas an atu ajuda Maromak nia povu
Ema barak iha hanoin negativu kona-ba ema-boot sira neʼebé iha autoridade. Ita komprende sira-nia sentimentu tanba husi tempu uluk kedas, ema uza sala sira-nia autoridade atu lori diʼak ba sira-nia an deʼit. (Miq 7:3) Ita agradese tebes tanba katuas sira iha kongregasaun hetan treinu atu halaʼo sira-nia responsabilidade iha dalan neʼebé ajuda Jeová nia povu.—Est 10:3; Mt 20:25, 26.
La hanesan ho ema-boot sira iha mundu, katuas Kristaun sira halaʼo sira-nia knaar tanba sira hadomi Jeová no hadomi Ninia povu. (Jo 21:16; 1Pe 5:1-3) Bibi-atan sira-neʼe halo tuir Jesus, no ajuda haklaken-naʼin ida-idak atu sente katak sira sai parte ba Jeová nia família no besik nafatin ho Jeová. Sira lalais atu fó korajen ba ita neʼebé nuʼudar Jeová nia bibi no ajuda ita bainhira situasaun emerjénsia kona-ba médiku ka dezastre ruma mosu. Se Ita presiza ajuda, keta dada an atu koʼalia ba katuas ida iha kongregasaun.—Tgo 5:14.
HAREE VÍDEO BIBI-ATAN SIRA NEʼEBÉ HADOMI BIBI-LUBUN, DEPOIS HATÁN BA PERGUNTA TUIRMAI:
-
Oinsá mak Mariana hetan ajuda husi katuas sira?
-
Oinsá mak Elias hetan ajuda husi katuas sira?
-
Depois haree tiha vídeo neʼe, Ita sente oinsá kona-ba buat sira neʼebé katuas sira halo?
