AIJAR KWAPE IKRISTAYON
Ecokok Luiswamaete Kanuka Ajokis Naka Itunga Luka Yawe
Itunga luipu mam emunokina ngul luejaasi keda apedor. Ipedori oni amisiikin ibore eraar kwangin. Ejenara itunga agear kolo kanu aitosom apedorikec naka ayait luce kanu aimedaunia awatekec. (Mik 7:3) Irai oni luiyalama kanu imakiowok luka atukot luisisianikinitai aitosom apedorikec kanu ajokis naka itunga luka Edeke.—Est 10:3; Mat 20:25, 26.
Itia itunga lukapedorosio luka akwap kana, edolokinete imakio luka atukot adoketait naka aijaanakin kwape lueyaitos ido iswamaete kesi ngun naarai eminas kesi Yawe keda itungake. (Yok 21:16; 1Pet 5:1-3) Kotoma aingarenikinio naka Yesu, ingarakinitos imakio nginidiopet kotoma onacan ka aanacan aipup ebe isukunyunitai kes toma okale loka Yawe keda ingarakinete imakio kes aitogogong eidicanekec keda Yawe. Eraasi imakio luisunyakinete aingarakin amerekekin nuka Yawe komoyo keda ingarakinete kesi iinacan engesun ejautene loikamanara keda amukian arai edoiki engeso toma aiboisit. Arai ipuda jo aingarakinio, odolok ekimat loka atukotokon?—Yak 5:14.
KOSESENATA EBIDIO ECOKOK LUEPODOKINITOS ESIPAN, KOSODETE ABONGONOKIN AINGISETA NUTA:
-
Epone bo ani abu Mariana imedaunia kotoma aingarakinio naka imakio?
-
Epone bo ani abu Elias imedaunia kotoma aingarakinio naka imakio?
-
Epone bo ani etiroriata akiro nu jo kanuikamuitos epone loisesenia jo aswam naiswamaete imakio?
