Bantu banji tababasyomi aabo ibali mubweendelezi. Tulakonzya kubamvwisya nkaambo bantu ibali mubweendelezi babelesya nguzu zyabo kutegwa balijanine mpindu. (Mik. 7:3) Eelo kaka cilakkomanisya kuti baalu bamumbungano baliyiisyidwe kubelesya nguzu zyabo kucitila bantu ba Jehova zintu zibotu.—Es. 10:3; Mt. 20:​25, 26.

Mukwiimpana abantu bali mubweendelezi munyika eeyi, baalu balabeleka mulimo wabo nkaambo balamuyanda Jehova alimwi abantu bakwe. (Joh. 21:16; 1Pet. 5:​1-3) Kwiinda mukweendelezyegwa a Jesu, beembezi aaba bagwasya sikumwaya umwi aumwi kuba acilongwe a Jehova alimwi akulimvwa kwaanguluka akati kamukwasyi wakwe. Balafwambaana kupa lugwasyo lwakumuuya alimwi akumugwasya ciindi nomwaciswa kapati naa nokwacitika ntenda. Ikuti kamuyanda lugwasyo, amwaanguluke kwaambila mwaalu uuli woonse wamumbungano yanu.—Jak. 5:14.

AMWEEBELELE KAVIDIYO KAKUTI BEEMBEZI IBALANGANYA MBELELE, MPOONYA MWIINGULE MIBUZYO IITOBELA:

• Ino ba Mariana bakagwasyigwa buti abaalu?

   

• Ino ba Elias bakagwasyigwa buti abaalu?

  Bwiinguzi

• Ino zyakuluula eezyi zyamupa kulimvwa buti kujatikizya mulimo ngobabeleka baalu?

  Bwiinguzi