KE OLA E PELĀ ME NE KELISIANO
Ko Tausi Mamoe Kolā e Ga‵lue mō te ‵Lei o Tino o Ieova
E tokouke a tino e maua ne latou a kilokiloga sē ‵lei ki tino kolā e ‵nofo i tulaga pule. E maina tatou i te pogai. Ko leva ne iloa ne tatou me ne fakaaoga ‵se sāle ne tino olotou tulaga pule ke maua ne latou a mea ‵lei. (Mik 7:3) E lasi eiloa te ‵tou loto fakafetai me ne akoakogina a toeaina i te fakapotopotoga ke fakaaoga olotou tulaga pule mō te ‵lei o tino o Ieova.—Est 10:3; Mat 20:25, 26.
E se pelā mo tino pule i te lalolagi nei, e ga‵lue a toeaina i te faiga o te takitakiga ona ko te a‵lofa ki a Ieova mo ana tino. (Ioa 21:16; 1Pe 5:1-3) Mai lalo i te takitakiga a Iesu, e fesoasoani atu a tausi mamoe konei ki tino talai taki tokotasi ke lagona ne latou me aofia eiloa latou i te kāiga o tino tapuaki o Ieova kae ke pili atu ki a Ieova. E vave latou o tuku atu a fakamalosiga faka-te-agaga ki mamoe a Ieova kae fesoasoani atu foki māfai ko manakogina fakavave i masaki io me ko fakalavelave o te natula. Kafai e manako koe ki se fesoasoani, kaia e se mua koe o fesokotaki atu ki toeaina i tau fakapotopotoga?—Iak 5:14.
KE ONOONO KI TE VITIO TAUSI MAMOE KOLĀ E ATAFAI ATU KI TE LAFU MAMOE, KAE TALI AKA A FESILI MAI LALO:
-
Ne maua pefea ne Mariana a mea aoga mai te fesoasoani ne fakatoka ne toeaina?
-
Ne maua pefea ne Elias a mea aoga mai te fesoasoani ne fakatoka ne toeaina?
-
Ne a ou lagonaga e uiga ki galuega e fai ne toeaina mai tua o te onoonoga ki tala konei i te vitio?
