EKALO LIAKRISTÃO
Angombo va Talavaya Ciwa Oco va Kuatise Afendeli va Yehova
Omanu valua va kuetele ovisimĩlo ka via sungulukile vana va kuete omoko yoku songola. Helie o kuete eko? Asongui valua ka va siatele oku talavaya ciwa lomoko yavo yoku songola. (Mik 7:3) Tu eca olopandu omo okuti vana va kuete omoko yoku songola vocisoko ca Yehova, va pindisiwa ciwa oco va talavaye lomoko yavo yoku songola okuti, va kuatisa afendeli va Yehova.—Est 10:3; Mat 20:25, 26.
Akulu vekongelo va litepa calua la vana va kuete omoko yoku songola voluali lulo, momo va sole Yehova kuenda afendeli vaye. (Yoa 21:16; 1Pe 5:1-3) Omo okuti angombo vaco va songuiwa la Yesu Kristu, ovo va kuatisa ukundi lukundi oku liyeva okuti, wa tiamẽla muẽle kepata lia Yehova loku kuata ukamba wa suapo la Yehova. Ovo va eca lonjanga ekuatiso konepa yespiritu kolomeme via Yehova kuenda oku kuatisa eci kuiya ocitangi cimue cuhayele, ale ceci ku pita ocilunga cimue. Nda ove o sukila ekuatiso, momo lie ku pingila lonjanga ekuatiso kukulu umue wo vekongelo liove?—Tia 5:14.
TALA OVIDEO LOSAPI HATI, ANGOMBO VANA VA TATA OCUNDA, NOKE TAMBULULA APULILO A KUÃIMO:
-
Manji Mariana wa kuatisiwa ndati lakulu vekongelo?
-
Manji Elias wa kuatisiwa ndati lekuatiso liakulu vekongelo?
-
Noke yoku tala ovideo eyi o liyeva ndati omo liupange akulu vekongelo va siata oku linga?
