Wujpey wichi ihuminhitʼa elh toj lenʼohyaj ihi. Hop toj iche iyhaj toj yamhitʼa is toj ichumyenlhi lenʼohyaj. Hop toj che natetshan mʼayhay toj iche pʼante nawʼenla toj malhyejtso (Miq 7:3). Mat Heowa lakawos, ¡matche toj wʼenhalhamej! Hop toj Heowa ichufwenej ancianos toj yam is toj ichumyenlhi lenʼohyaj, toj is che iwoye mʼayhay toj congregación isej (Est 10:3; Mt 20:25, 26).

Hop ancianos hatehitʼa iwoye wichi iyhaj toj lenʼohyaj ihi toj lepʼaltsenyaj ihihitʼa. Lehumnhayaj toj itiyej Heowa wet lepunfwas hope toj inityenej toj yam is toj ichumyenlhi lenʼohyaj (Jn 21:16; 1Pe 5:1-3). Ancianos iwoye toj Jesús ichufwen hopkhilak tachʼote ipunfwas toj yen lekajyaja toj tachumhoplhi wet iwhaye Heowa. Lhamel wakʼalhen hopkhilak ikhajyen ipunfwas. Wet che iche nʼowitʼay wok che iche mʼak toj iwoyek isoyej ipunfwas lewʼatshancheyaj, nilhokej lewhay iwhaye lepunfwas hopkhilak tachʼote. Che lewatla nʼochʼotyaj, yej lhenpej atichunhayaja, kelit toj letʼukwe ancianos lechʼotyaj toj ihi aka congregación (Snt 5:14).

YAHIN VIDEO PASTORES QUE CUIDAN DEL REBAÑO, WET TOJ PAJ CHULHO NʼOYʼATSHANHAYNA:

• ¿Chi malhyej (Ep hote) toj Mariana isej ancianos lechʼotyaj?

  Achulhyaj

• ¿Chi malhyej (Ep hote) toj Elías isej ancianos lechʼotyaj?

  Achulhyaj

• Toj tafwaytshi toj leyahin video, ¿atsi atichunhayaj toj letiyej hop ancianos lechʼumet?

  Achulhyaj