Yaʼab máakeʼ maʼ tu confiar tiʼ le máaxoʼob yaan autoridad tiʼoboʼ tumen chéen u yutsil ku kaxtikoʼob (Miq 7:3). Pero ichil u kaajal Jéeobaeʼ maʼ bey u yúuchliʼ, tumen Jéeobaeʼ tsʼoʼok u kaʼansik tiʼ le ancianoʼob kʼaʼabéet u meyajtiʼob u autoridad utiaʼal u kanáantkoʼob le múuchʼuliloʼ (Est 10:3; Mt 20:​25, 26).

Le ancianoʼoboʼ maʼ beyoʼob jeʼex u máakiloʼob le yóokʼol kaab yaan autoridad tiʼoboʼ, letiʼobeʼ u yaabiltmoʼob Jéeoba yéetel le sukuʼunoʼoboʼ (Jn 21:16; 1Pe 5:​1-3). Tsʼoʼoleʼ ku chaʼik u nuʼuktaʼaloʼob tumen Jesús, ku yáantkoʼob le sukuʼunoʼob utiaʼal u kiʼimaktal u yóoloʼoboʼ bey xan utiaʼal maʼ u náachtaloʼob tiʼ Jéeoba. Kéen úuchuk junpʼéel loobil bey xan wa ku kʼaʼabéettal u jáan bisaʼal hospital wa máaxeʼ le ancianoʼoboʼ tu séebaʼanil ku yáantkoʼob le sukuʼunoʼoboʼ. Le beetkeʼ wa kʼaʼabéettech áantajeʼ aʼal tiʼ juntúul anciano teʼ múuchʼuliloʼ (Snt 5:14).

CHAʼANT LE VIDEO LE ANCIANOʼOBOʼ KU KANÁANTKOʼOB LE SUKUʼUNOʼOBOʼ, TSʼOʼOLEʼ NÚUK LE KʼÁATCHIʼOBAʼ:

• ¿Baʼax utsil tu taasaj tiʼ Mariana úuchik u yáantaʼal tumen le ancianoʼoboʼ?

  U núukil

• ¿Baʼax utsil tu taasaj tiʼ Elías úuchik u yáantaʼal tumen le ancianoʼoboʼ?

  U núukil

• ¿Bix a wuʼuyikaba yoʼolal le meyaj ku beetik le ancianoʼoboʼ?

  U núukil