Siphẹ opoḍi aghisigh osoph intanẹt phọ ayira roḍereghinhaan ghan ni rumhuoghaạph r’asividio kirokirọ dị ookolhobian oḍaạm aḍiḅeraạn awe iiḅi arokpom dị u/ḍighi Bugbaanhaạn aZihova. (Iiḍ 13:48) Ogbor ghan romiteom rumhuoghaạph dị emite siphẹ igbe iinhaghạn phọ obobọ idị awe rootughiạn ghan koḅilhẹ oghaạph.

Nạ kaḍighinhom ika opoḍi aghisigh ajw.org phọ mem dị nạ rakaạph ilọ omhạr phọ?

• Gbor ghan aḍigh jw.org. Maạr ghan alhọgh elhegh iyaạr dị omiteom mem mọ, kụ aatughiạn ilọ nạ kasighẹ ipẹ phọ aḍighinhom olhoghonhaạn aḍighaạgh oye dị aḍeenhaan ḍiḅeraạn. (Orue omhiịn araraạr dị ke/bia erọl ghan siphẹ opoḍi aghisigh phọ pọ zụ siphẹ, “See More.”) Ogbor ghan oḍigh osoph intanẹt phọ ayira kelhoghonhaạn nyinhạ ḍighaạgh omhoọgh imhoom araraạr oghaạph epẹ erugh phọ.

• Sighẹ rumhuoghaạph r’asividio dị omiteom siphẹ opoḍi aghisigh phọ amhiighom raghaạph. Arumhuoghaạph r’asividio phọ iphẹn phọ ketue ni ilhoghonhaạn iyira ḍighaạgh olhegheri odọ iitughiạn dị edi ilhoghi awe phọ odi bọ ekool phọ ayira.

• Ḍeenhaan ghan we opoḍi aghisigh phọ. Kaạph ilọ iniin arumhuoghaạph, kụ aḍeenhaan oye phọ ipẹ odị kazuughị bọ kụ amiịn raraạr phọ siphẹ osoph intanẹt phọ.

• Ngọ link. Ibadị awe ro/wạ ghan oghaaphạn ayira ghisigh r’aghisigh, kuolọ reḅeraạn ghan ni bidị oghị osoph intanẹt phọ ayira. Esi iduọn phọ kaa/binyemhiom ongọ oye dị aḍeenhaan ḍiḅeraạn link oḅẹl opoḍi phọ obobọ olọ emhuoghaạph r’avidio dị omiteom pạ phọ.