Lè’w alé asou jw.org, pwèmyé paj-la ou kay wè sé ‘Home Page’-la. Asou paj sala, ou kay wè atik èk vidiyo ki kay antéwésé moun ki pa Témwen Jéhova. (Twavay 13:48) Souvan, ‘Home Page’-la ni tòpik ki asou nouvèl-la, ében tòpik moun ka katjilé asou, ében yo ka palé konsèné.

Ki mannyè ou sa sèvi ‘Home Page’-la asou jw.org an minis ou?

• Toujou alé asou jw.org. Gadé sé atik-la ki anba ‘Mi Yonndé Sijé Ki Byen Antéwésé’, pou wè mannyè ou sa sèvi yo pou édé an moun ki antéwésé. (Pou twapé pli enfòmasyon anba ‘Home Page’-la, ou sa touché “See More.”) Konsa, si’w ka toujou alé asou wèbsayt-la, ou kay twapé tòpik ki nèf pou’w sa sèvi an minis-la.

• Pou koumansé an konmézasyon, sèvi sé atik-la èk sé vidiyo-a ki asou ‘Home Page’-la. Sé atik-la èk sé vidiyo-a ki asou ‘Home Page’-la kay ban nou an ti lidé konsèné sa moun an tèwitwa-a ka katjilé asou.

• Moutwé moun ‘Home Page’-la. Moutwé moun déotwa tòpik ki kay antéwésé yo. Èk moutwé yo mannyè pou twapé enfòmasyon asou wèbsayt-la.

• Voyé moun an link. Adan moun pa vlé palé épi nou, kanmenm yo vlé vizité wèbsayt nou. Alò, ou sa voyé moun ki antéwésé an link pou ‘Home Page’-la, ében an link pou an atik ében an vidiyo ki asou ‘Home Page’-la.