Acakki me kabedowa me Intanet tye ki pwony ki dong vidio ma kiyubo me gudo cwiny jo ma pe gubedo Lucaden pa Jehovah. (Tic 13:48) Pol kare loko i kom jami ma tye i lok angeya nyo jami ma dano gitye ka tamo nyo lok iye i kare meno.

Itwero tic ki ngec ma kiketo i acakki me jw.org ka itye i tic me pwony nining?

• Bed ka roto kabedowa me Intanet man kare ki kare. Bed ki ngec i kom pwony ma kiketo malo i acakki me jw.org, dok tam i kom kit ma itwero tic kwede me konyo ngat ma tye ki miti. (Me nongo pwony mukene ma onongo kiketo cok cok-ki i acakki me jw.org, di ka ma kicoyo ni “Nen Mukene.”) Ngeyo jami manyen ma kiketo i kabedowa me Intanet bikonyi me bedo ki ngec manyen ma itwero tic kwede i tic me pwony.

• Ti ki pwony ki dong vidio ma kiketo i acakki me jw-org me cako lok ki dano i tic me pwony. Pwony ki vidio magi twero konyowa me niang jami ma tye i tam pa dano ma i wang ticwa.

• Nyut ki dano ngec ma tye i acakki me jw.org. Nyut wiye wiye pwony mogo ma i iye ki kit ma ngat meno twero nongo kwede ngec mapol ki i kabedowa me Intanet.

• Cwal link. Jo mukene pe gimito lok kwedwa wang ki wang, ento gitwero cito i kabedowa me Intanet. Pi meno ka ngat mo onyuto miti, cwalle link me kabedowa me Intanet nyo link me pwony nyo vidio mo ma iyero.