ХРИСТИАН ЈӰРӰМ
jw.org сайттыҥ тӧс бӱгин јарлаар иште тузалан
Бистиҥ сайттыҥ тӧс бӱгинде «чындыкты угарга кӱӱнзеп турган» улусты јилбиркедерге, ӧнӧтийин белетелген јӧрмӧлдӧрдиҥ ле видеолордыҥ ссылкалары бар (Ап.и 13:48, ЈТ). Ондо улусты санааркадып турган ла солундарда болуп турган темалар улам сайын чыгат.
jw.org сайттыҥ тӧс бӱгин јарлаар иште канайып тузаланарга јараар?
-
Сайтка јаантайын кирип тур. Тӧс бӱкте «Талдалганы» деп бӧлӱкте не чыгып турганына ајару эдип тур. Јилбиркеп турган улуска кандый темалар тузалу болорын сананып кӧр. Мынайып сенде јарлаар иште куучындажатан башка-башка темалар болор. (Бу бӧлӱкте јаан удабай чыккан ӧскӧ материалдарды табып аларга, «Кӧптӧдӧ кӧрӧр» деген јерди јапазып ий.)
-
Куучынды баштаарга, тӧс бӱгинде јӧрмӧлдӧрди ле видеолорды тузалан. Ондогы темалар сениҥ јериҥде јадып турган улуска јилбилӱ болордоҥ айабас.
-
Улуска тӧс бӱкти кӧргӱзип тур. Сен кижиниҥ ајарузын башка-башка темаларга эдип, ого керектӱ јетирӱни канайып табарын јартап берер аргалу.
-
«Ӱлежер» деген функцияла тузалан. Кезик улус бисле кӧстӧҥ-кӧскӧ куучындажарга кӱӱнзебей јат, је сайтка кирер кӱӱндӱ болот. Андый кижиге сайттыҥ тӧс бӱгине эмезе кандый бир јӧрмӧлгӧ бӧ, видеого бо ссылканы не аткарып ийбес?