Pa ntendekelo ya webusaiti yesu paliba ifipande na mavidio ifyo bapangila ukulenga abantu abashili Nte sha kwa Yehoba balafwaya ukwishibilapo na fimbi. (Imil. 13:48) Ilingi line palaba amalyashi ayalecitika mwi sonde nelyo ayo abantu baletontonkanyapo sana no kulandapo sana.

Kuti mwabomfya shani ifyaba pa ntendekelo ya jw.org ilyo mulebila imbila nsuma?

• Muleya pa webusaiti lyonse. Mulemona amalyashi ayali pa ntendekelo, kabili mulemona ifyo mwingayabomfya pa kuti umuntu afwaye ukumfwilapo na fimbi. (Nga mulefwaya ifipande fimbi na mavidio ayo babikilepo pa ntendekelo ya jw.org mu nshiku shafumako, kuti mwatinika apatila “Moneni na Fimbi.”) Nga muleishiba lyonse ifileba pa jw.org mukalasambililako ifipya ifyo mwingalandapo ilyo mulebila imbila nsuma.

• Mulebomfya ifipande na mavidio ayaba pa ntendekelo ya jw.org pa kutendeka ukulanshanya na bantu. Ifi fyebo kuti fyatwafwa ukwishiba ifyo abantu mu cifulo tubila imbila nsuma nalimo baletontonkanyapo.

• Mulelanga abantu intendekelo ya pa jw.org. Kuti mwalanda pa malyashi yamo, kabili kuti mwalanga umuntu ifya kucita pa kusanga ifyebo ifyo alefwaya.

• Kuti mwatumina umuntu linki. Abantu bamo tabafwaya ukulanda na ifwe, lelo kuti batemwa ukuya pa webusaiti yesu. Kanshi mwilawayawaya ukutumina abantu abalefwaya ukukutika linki iingabatwala pa ntendekelo ya jw.org nelyo iingabatwala pa cipande cimo nelyo vidio.