Bas halamen utama situs webta lit erbage-bage artikel ras video si menarik man kalak si merhat meteh kebenaren. (Perb 13:48) Biasana, artikel ras video si lit i je isina kerna berita si terbaru ntah pe topik si menarik man enterem kalak.

Uga nge carana nggunaken halamen utama jw.org sanga erberita?

• Rusurlah bukandu situs webta. Perdiateken artikel ntah pe video si lit bas halamen utama jw.org, termasuk si lit bas bagin “Ula Lewatken.” Kenca si e, ukurilah uga cara nggunakenca bas erberita. (Adi nenndu atendu artikel ntah pe video si deban si mbaru-mbaru enda lit bas halamen utama, klik “Nen si Debanna.”) Adi rusur bukandu situs webta, melala topik si mbaru si banci gunakenndu bas erberita.

• Gunaken artikel ras video si lit bas halamen utama guna mbenaken percakapen. Topik-topik si lit i je banci saja menarik akap kalak si lit bas daerahta erberita.

• Cidahken halamen utama jw.org man kalak si ijumpaindu sanga erberita. Cidahken topik si menarik si lit bas halamen e, janah tuduhken man bana uga carana ndarami informasi bas situs webta.

• Kirimken link man bana. Banci saja lit kalak si la nggit ngerana langsung ras kita, tapi nggit ia mbuka situs webta. Emaka, ula kam ragu ngirimken link man bana. Banci kirimndu link halamen utama jw.org ntah pe link artikel ntah video si lit i je.