Ewe home page wóón ach we website a wor pwóróus me video ra kawor fán iten chókkewe mi letipwenechar, nge esap iir Chón Pwáraatá Jiowa. (Föf 13:48) A kan fósun masouen ekkewe news are met aramas ra kan ekieki are fóffósun.

Ifa ussun kopwe áeá ena home page wóón jw.org lón óm angangen afalafal?

• Chechcheki iteitan ewe website. Ppii met a kerán katowu, me ekieki epwe ifa ussun kopwe tongeni néúnéú an epwe álisi emén mi mochen aúseling. (Ren óm kopwe kúna ekkewe pwal ekkóch mettóch wóón ewe home page, ttiki “See More.”) Óm chechcheki iteitan epwe álisuk le kúna ekkewe mineféén mettóch a katowu wóón ach na website pwe epwe álisuk le silei met ka tongeni néúnéú lón ewe angangen afalafal.

• Néúnéú ekkewe pwóróus me video ra kerán katowu wóón ewe home page le poputááni eú pwóróusfengen. Ekkena mettóch ra tongeni álisikich le silei met aramasen lón ach territory eli ra ekieki.

• Áiti ngeni aramas ewe home page. Menlapei ekkóch pwóróus wóón, me áiti ngeniir ifa ussun áeáán.

• Share eú link. Ekkóch aramas rese mochen fós ngenikich lón féúféún aramas, nge ra mochen tétá wóón ach we website. Kosap pireir óm kopwe send ngeni emén mi mochen aúseling ewe link ngeni ewe home page are eú pwóróus are video ra kerán katowu.