Kan website innpi ah Jehovah Tehte a si lomi hna lungthin a la khomi phun in chuahmi capar le video hna taar a si. (Lam. 13:48) Mah ah thawngpang thar asiloah mi nih an ruahmi le an chimmi kong hna langhter a si tawn.

Phungchim rianṭuannak ah jw.org innpi kha zeitindah na hman khawh?

• Website kha hmaan tein chek. Nai ah zeidah an taarmi a um ti kha ṭha tein zoh law hngalh duhnak a ngeimi hna bawmh awkah zeitindah ka hman lai ti kha ruat. (Nai ah innpi ah an taarmi kong hna hngalh awkah “Zoh Chap” timi zawn kha hmet.) Website i hmanung bik taarmi a konglam nih phungchim rianṭuannak ah ruahnak thar hna ngeih awkah aan bawmh lai.

• Biahram thawk khawh awkah innpi ah taarmi capar le video hna kha hmang. Mah a konglam hna nih lohmun i mi pawl nih an ruahmi kong he aa tlaiin ruahnak a kan cheuh khawh.

• Innpi kha mi pawl hmuhsak hna. Cuset khaset timi kong kha chim law website ah a konglam pawl kawl khawh ning kha hmuhsak hna.

• Link kha kua hna. Mi cheukhat nih kanmah he biaruah kha an duh lo nain kan website chung luh tu cu an duh. Cucaah hngalh duhnak a ngeimi hna sinah kan website innpi link kuat asiloah mah ah taarmi cuset khaset timi capar le video hna kuat kha i cungcang hlah.