Yaʼ tiʼ tejchibal jiñi jw.org mi lac taj tema tac yicʼot video tac tsaʼ bʌ mejli chaʼan miʼ mulañob i qʼuel jiñi lac piʼʌlob yomoʼ bʌ i taj i cuxtʌlel (Hch 13:48). Yaʼi miʼ loqʼuel jiñi muʼ tac bʌ i ñumel ti noticia o muʼ bʌ i cʼojoʼtan jiñi lac piʼʌlob.

¿Bajcheʼ miʼ mejlel a cʼʌn ti subtʼan jiñi cʼajpan an jach bʌ ti jw.org?

• Chʌcʌ qʼuele muʼ tac bʌ i loqʼuel yaʼ ti lac página. Pejcan jiñi tema tac am bʌ yaʼ ti sección «Yom bʌ maʼ qʼuel» i ñaʼtan bajcheʼ miʼ mejlel a cʼʌn ti subtʼan. (Chaʼan maʼ qʼuel yambʌ tema tac tsaʼix bʌ loqʼui, ochen yaʼ baqui miʼ yʌl «Ñumen qʼuele»). ¡Mi caj i wen coltañet chaʼan maʼ ñaʼtan chuqui yom maʼ wʌl ti subtʼan!

• Cʼʌñʌ jiñi tema tac yicʼot video tac muʼ bʌ i tilel yaʼ tiʼ tejchibal jiñi lac página chaʼan maʼ tech tʼan. Miʼ mejlel i coltañet a ñaʼtan chuqui tac miʼ cʼojoʼtan jiñi lac piʼʌlob.

• Pʌsʌ jiñi página chaʼan internet. Suben jiñi tema tac muʼ bʌ i tilel yaʼi i pʌsben bajcheʼ miʼ mejlel i sʌclan chuqui yom bʌ i ñaʼtan.

• Choco majlel jumpʼejl enlace. An lac piʼʌlob maʼañic bʌ miʼ mulañob tʼan yicʼotonla, pero mucʼʌch i mulañob ochel yaʼ ti lac página. Jin chaʼan, chocbeñob majlel jumpʼejl enlace chaʼan miʼ yochelob yaʼ ti lac página o chaʼan miʼ qʼuelob jumpʼejl tema o jumpʼejl video.