Ame ngöne la page d’accueil ne la site së, kola mama la itre tane mekun, me itre video, ka troa xatuane la itre atr troa atre Akötresie. (Hu 13:48) Ej a amamane la itre ewekë hna qaja ngöne la itre nuvel, nge hna atre me ithanatane hnene la itre atr.

Tro epuni a huliwane tune kaa la page d’accueil ne la site së ngöne la hna cainöj?

• Goeëne lapane jë la site së. Goeëne jë la itre tane mekune ka mama e cili, nge thele jë la aqane tro epuni a huliwan itre ej, matre xatuane la ketre atr. (Maine epuni a ajane troa wange la itre xaa tane mekune ka tha mama ha, ke huje ju la hna hape, “Voir plus.”) E tro epuni a goeëne lapane la site së, ke troa hetre nyine tro epuni a qaja ngöne la hna cainöj.

• Huliwane jë la itre tane mekun me itre video ngöne la page d’accueil, la epuni a nyiqane ithanata. Tro itre ej a xatua epuni troa atre la hna hnehengazone hnene la itre atrene la teritoar.

• Amamane jë la page d’accueil kowe la itre atr. Amamai angatre jë la itre xaa tane mekun, nge qejepengöne jë koi angatr la aqane troa tro kowe la site së.

• Iupi fë jë la ketre lien. Ame itre xaa ijin, xele kö la itre atr troa ithanata me easë, ngo aja i angatre pe troa tro kowe la site së. Haawe, canga iupi fë pi kowe la itre atre cili, la ketre lien ka troa tro xomi angatr kowe la page d’accueil, maine ketre tane mekun, maine video ka mama e cili.