Añii ya é nden wèè a bele minlô-medzô ya bingengeng be va kômane naa bôt be dzing ba yen ya lang bio. (Bisè m. 13:48) Metam mézing minlô-medzô mité mia kobe nfa mefuèñ bia wokh, é mam bôt ba tem nge ki é mam ba kobe.

Aval avé ô ne belane añii ya é nden wèè jw.org minkanghle muè ?

• Boghe wéé ke daghe é nden wèè. Baghle nlô-adzô ô ne nféféñ, ye yen aval ô ne belane do minkanghle naa ô vole môt nge a kômô tsini nlang ôsu. (Nge wa kômô yen minlô-medzô mi ndaghe lôt, firghe é vôm wa dzô naa « A yen mefe. ») A yem é mam ma lôt a nden wèè da ye wô vole naa ô yem é mam ô ne belane mo minkanghle.

• Boghe wéé belane minlô-medzô ya bingengeng bi ne a nden wèè naa ô sum nlang ya môt. Minlô-medzô mité mi ne wô vole naa ô yem é dzam bôt ba tem abeng minkanghle dèè.

• A lere bôt añii ya é nden wèè. Ngôneghe minlô-medzô mizing ya lere bôt aval be ne yem belane é nden wèè.

• Ô ne kap enlace nge ki lien. Abim bôt b’ézing baa dzing ki ba kobe ya é bôt bevoo éyong ba yen bo, ve, be ne nkôghane naa ba fep é nden wèè. Éde, ô taa dzogho naa wa lôm môt enlace ye nlô-adzô nge ki engengeng ye nden wèè.