Anlè paj akèy sit Entèrnèt-nou an, i ni awtik épi vidéwo ki fèt pou lévé lentéré moun sensè (Ak 13:48). Souvantman, i ka mété douvan bagay yo ka palé adan nouvèl, ouben bagay ki an lèspri moun.

Koumanniè ou pé itilizé paj akèy sit jw.org lè’w ka préché ?

• Jété an kout-zié anlè sit-la régilièrman. Pran nòt sé awtik-la ki anlè paj akèy-la é mandé kòw koumanniè ou té kèy sèvi yo pou endé an moun entérésé (pou touvé dòt awtik ki té anlè paj akèy-la pa ni lontan, kliké anlè « Plis »). Lè’w ka rété a jou asou sit-la, ou ké ni lidé tou nèf pou laprédikasion.

• Sèvi awtik épi vidéwo ki asou paj akèy-la pou koumansé bokantaj. Yo pé ba’w an ti lidé asou sa ki an lèspri sé moun téritwè-a.

• Montré sé moun-lan paj akèy-la. Dirijé yo asou yonn-dé sijé é èsplitjé yo koumanniè pou drivayé asou sit-la.

• Vréyé an lien. Ni dé moun ki pa lé palé épi nou, men sa pa ka déranjé yo alé asou sit-nou an. Alò dépi an moun entérésé pa pè vréyé an lien ka mennen’y kisiswa anlè paj akèy-la, an awtik ouben an vidéwo paj akèy-la.