Eyin a hùn jw.org tlolo, a na mọ hosọ po video lẹ po he yin awuwlena nado dọ̀n gbẹtọ ahunjijlọnọ lẹ. (Ow 13:48) Hosọ he nọ sọawuhia to linlin lẹ mẹ kavi nue nọ duahunmẹna mẹlẹ bọ yé nọ dọhodeji lẹ wẹ nọ saba sọawuhia to adà bẹjẹeji tọn jw.org tọn ji.

Nawẹ a gán nọ yí adà bẹjẹeji tọn jw.org tọn zan to lizọnyizọn lọ mẹ gbọn?

• Nọ yì nọtẹn lọ ji whẹwhẹ. Nọ doayi hosọ yọyọ lẹ go bo nọ lẹnnupọndo lehe a gán yí yé do gọalọna jlodotọ lẹ do ji. (A gán mọ nudevo he tọ́n to agọe lẹ eyin a zín “Pọ́n Nususu Dogọ.”) Eyin a nọ jẹakọ hẹ nuyọyọ he to nọtẹn lọ ji lẹ, a na nọ yọ́n nue ji a na dọhodo to lizọnyizọn lọ mẹ.

• Nọ yí hosọ po video he to adà bẹjẹeji tọn jw.org tọn ji lẹ po zan nado bẹ hodọdopọ jẹeji. Nue nọ tọ́n to adà ehe ji lẹ gán gọalọna mí nado yọ́n nue nọ duahunmẹna mẹlẹ to aigba-denamẹ lọ ji.

• Nọ do adà bẹjẹeji tọn jw.org tọn hia. Nọ do hosọ tangan delẹ hia sọn adà lọ “De Hosọ He Jlo We” glọ to adà bẹjẹeji tọn lọ ji bo nọ dohia mẹlẹ lehe yé gán zan nọtẹn lọ do.

• Nọ do alọdlẹndonu lẹ (lien) hlan mẹlẹ. Mẹdelẹ ma nọ jlo na dọho hẹ mí nukun sọ nukun, ṣigba yé nọ yigbe nado yì nọtẹn mítọn jw.org ji. Enẹwutu, a gán nọ do lien adà bẹjẹeji jw.org tọn hlan yé. A gán sọ do lien hosọ kavi video tangan de tọn hlan.