Página kena jw.org yete kukwe mrä mrä mikata, ñodre artículo aune video nitre töita bökän kukwe mikabätä gare jai ye dimikakäre (Hch 13:48). Yete noticia o kukwe tä nitre mike töbike krubäte mikata.

¿Página kena tä mata nüke yekänti kukwe mrä mrä mikata, yebiti mä raba kukwe driere ño?

• Kukwe mikata sitio internete ye mäkwe tuate gwä gwä. Kukwe mrä mrä mikata yebiti mä raba dirire ño ye mäkwe mika gare jai. (Kukwe mrä mrä mikani ye mä törba mikai gare bäri jai ngwane, “mada tuadre” nieta yebiti mäkwe kise nita) ¡Kukwe kwin kwain mäi kukwe driekäre!

• Artículo aune video tä página kena yete yebiti mä raba blita kömike. Dre dre tä nitre mike töbike yebätä mä raba blite bentre.

• Página kena ye mäkwe mika tuare. Biti kukwe ruäre ye mäkwe kädekate aune kukwe känändre ño ye mäkwe drie.

• Mäkwe enlace juan. Nitre ruäre ñan töta nemen blitai ngwärere nibe, akwa tä nemen bäri nuäre kräketre rikakäre internet käi nikwe yete. Ye medenbätä mä ñan töbika bati bobu enlace sitio jw.org ye juankäre nire töta nemen kukwe mikai gare bäri jai ye ie, artículo keteiti o video mä raba juen ie arato.